Zer Fyyr vom 150-jöörige Bestoo vo de Ueli 1876, lade mir zem erschte Ueli-Bryysdrummle syt 2007 yy. Save the Date!
Nach de grosse Erfolg vo de bishäärige Ueli-Bryysdrummle vo 1976, 1990, 1998 und 2007 isch es zem grosse Jubiläum vo de Ueli 1876 an dr Zytt, d Biihni fir e wytters, grosses Drummelspektakel frey z gää.
Am 9. Jänner 2026 findet im Zic-Zac e traditionells Basler Bryysdrummle – wie me das scho 1876 gmacht hett – statt
Ab de halber Siibeni zoobe (18.30h) mässe sich die beschte Basler Drummler und Drummlerinne uff dr Biihni vom Zic-Zac mit Glyychgsinnte und zelebriere d Basler Drummelkunscht uff heggschtem Niveau.
Dr Vorverkauf startet am 1. Juni 2025. S Aamäldefänschter fir d Konkurränte isch ab sofort offe.
Fir d Aamäldig zer Konkurränz isch es wichtig, dass jeede Ainzel- oder Grubbekonkurränt s Reglemänt glääse hett.
Doo noonemool die wichtigschte Pinggt:
- Jeede Konkurränt muess mindeschtens 18 Joor alt syy und in ere Basler Drummelschuel s Basler Drummle g leert ha.
- Es wäärde 3 Märsch uss em Ueli-Repertoire aagää und denn uff dr Biini dää zooge, wo vordrait wird. S’Ueli-Repertoire findsch im Reglemänt.
- In dr Ainzelkonkurränz ka d Jury im Aaschluss vom Vortrag no dr 3., 5. oder 6. Värs vo de Märmeli mit Wiiderhoolig verlange
- D Jury ka vom Konkurränt (au ainzelni uss dr Grubbe) no Grundlaage verlange, sett e Unklarhait bestoo
- Es ka im Saal au e Wild Card (Begränzti Aazahl) zooge wärde fir Ainzel oder Grubbe
- Bewärtet wird Technik, Dynamik, Rhythmik und dr Gsamtvortrag (Haltig, Gosdym, Klang vom Inschtrumänt und Verhalte uff dr Biini
- D Startplätz sinn begränzt. Dr Schnäller isch dr Gschwinder….
- D Startgebyyre findsch im Reglemänt
www.bryysdrummle.ch
info@ueli1876.ch
