Abgsait, Schluss und aifach nyt.
Ganz enttyscht sinn alli Lyt.
Zerscht saits uns dr Bundesroot,
denn d Regierig, dass nyt goot.
Statt dr Fasnacht gits Coroona
daas Joor numme no dr Toon a.

S isch jetz nit wie allewyl,
denn in d Stadt goosch in Zivyl.
Goschdümiert gseesch weenig Gstaalte,
well die maischte sich drahaalte.
Iir Fasnächtler machets guet,
dorum lipfe mir dr Huet.

D Bolizei mues mänggmool jetze,
daas Verbot go duuresetze.
Si sait sich, mer mache daas,
gschiggt und mit vyl Augemaas.
Loob gits drum in heggschte Deen
und e härzlig Danggerscheen.

S ainzig Guet an dääne Dääg:
Du bisch au am Donnschtig zwääg
und de waisch im näggschte Hoornig
isch die Fasnachtswält in Oornig
und das frait is umso mee
sait eich s Fasnachts-Comité.