Schuel-Fasnachts-Dangg 2015

14. Februar 2015 | Von | Kategorie: Comité News

Für d Schuel- und Kindsgi-Fasnachts-Schau
Schyynt das Johr d Sunne und s isch lau!
Mit Schränze, Drummle, Pfyffe, Bloose
Sinn 7000 uf de Schtroosse!
Sy präsentiere voller Pracht:
Das hämmer alles sälber gmacht!
Stolz, kreativ und farbefroh
Sinn alli Kind d Stadt ab koh!
Dr gwaltig Ysatz duet sich lohne:
Mer danggen alle Lehrpersone
Mit Farb, Babyyr und Glaischterhänd
Isch s Resultat perfäggt am Änd!
Den eedle Spänder wämmer dangge
S bruucht halt schon e Hampfle Frangge!
Danggschön wämmer alle saage
Wo d Brugg absperren ohni z klaage,
De Samariter, Streggeposchte,
De Zvieri- Hälfer, wo nüt koschte.
De Junge Garde, Glygge, Gugge
Wänn mer vo Härze d Pfoote drugge!
De Schugger, won ys guet beroote,
Au d BVB griegt gueti Noote !
Die guete Gaischter mit de Bääse
Solle do au «Danggschön» lääse!

S het Gspass und vyl Vergniege gmacht!
Häärzligscht – s OK Schuel-Fasnacht!