Fasnachtsdangg 2013

21. Februar 2013 | Von | Kategorie: Comité News

Rubrikenbild Comité NewsHesch es gsee, wie d Bäase brenne? Hets dr glänggt no Basel z renne? Vieri schloots, de saisch zu mir. Näbedraa sait ain zu dir.

D IWB, es het is gfrait, soorge doo fir d Dunggelhait.

S isch dr Morgestraich famoos. Gly goot scho dr Cortège loos. Basel duet nit numme strigge.
D Sujets dien au anderscht tigge. Au d Yfäädler sinn parat.

S git dangg iine kai Salat.
D Bolizei und d Sanideet
und d Kadette, wo me gseet,
d Fyyrweer und die Lyt, wo putze, dien uns alle schampar nutze, dorum finde mir dr Rangg
und mr saage dausig Dangg!

Wott dr Petrus s mitenand?
D Sunne schynt fir Stadt und Land. Au d Frau Fasnacht sait zu mir oder wänn mr doch zu dir?
Bisch drfir, jä bisch drgeege? Kaasch e Joor lang iberleege!

S Fasnachtscomité